Rydym yn falch mai y ni yw’r rhwydwaith hanfodol ar gyfer maethu yng Nghymru.
Cynigiwn ystod o wasanaethau, hyfforddiant a phrosiectau arloesol i gynorthwyo’n haelodau. Rydym hefyd yn gweithio i wella’r sector maethu ehangach.
Dyma rai o’r ffyrdd y gwnawn effaith gadarnhaol ar ofal maethu yng Nghymru:
Mae ein llinell gynghori’n darparu gwybodaeth, arweiniad a chefnogaeth ar bob mater sy’n effeithio ar wasanaethau maethu a gofalwyr maeth yng Nghymru. Ffoniwch ni ar 0800 316 7664 neu anfonwch e-bost atom yn [email protected]. Rydym yn agored o 9.30yb - 12.30yp o ddydd Llun i ddydd Gwener (ac eithrio Gwyliau’r Banc). Ariannir Llinell Faethu Cymru gan Lywodraeth Cymru. Gallwch siarad â rhywun yn Saesneg neu yn Gymraeg.
Cynigiwn raglen weminar i ofalwyr maeth, yn ogystal â diweddariadau sy’n benodol i Gymru ar gyfer y sector. Am fwy o wybodaeth, neu i gael eich ychwanegu at ein rhestr e-bost, cysylltwch, os gwelwch yn dda, â [email protected]
Gall gwasanaethau maethu ledled Cymru hefyd gomisiynu hyfforddiant gennym. Gallwn ddarparu cyrsiau unigol neu becynnau o gyrsiau ar amrywiaeth o bynciau i ddiwallu anghenion eich gwasanaeth. Gellir teilwra’n hyfforddiant ‘mewn swydd’ i ddod â budd i bob gweithiwr proffesiynol yn y tîm o amgylch y plentyn, tra bod ein cyrsiau agored yn cyfarparu unigolion yn eich tîm â’r wybodaeth y mae arnynt ei hangen i wella’u rôl. Am fwy o wybodaeth am yr hyfforddiant a gynigiwn, cysylltwch â ni, os gwelwch yn dda.
Gall cymorth annibynnol fod yn hanfodol i ofalwyr maeth pan fônt yn wynebu honiadau neu anghydfodau eraill. Gall Y Rhwydwaith Maethu ddarparu cymorth annibynnol i ofalwyr maeth trwy’u gwasanaeth maethu, trwy amrywiaeth o ddulliau ledled y Deyrnas Unedig.
Cynhaliwn nifer o brosiectau a rhaglenni arloesol ledled Cymru, pob un â’r nod o dyfu a rhannu arferion a seilir ar dystiolaeth.
Rydym hefyd yn gweithio gyda sefydliadau eraill, ymchwilwyr a Llywodraeth Cymru i ddarparu modd iddynt glywed barnau a phrofiadau gofalwyr maeth.
Mae Maethu Lles yn rhaglen arloesol, a ariannir gan Lywodraeth Cymru ac a ddarperir gan Y Rhwydwaith Maethu, sydd â’r nod o wella deilliannau lles i blant a phobl ifanc.
Mae’r rhaglen yn hyrwyddo cydraddoldeb statws i bawb sy’n gysylltiedig â’r ‘tîm o amgylch y plentyn’, yn cynnwys gofalwyr maeth. Mae’n annog gweithwyr proffesiynol i gydweithio gydag ymagwedd ar y cyd, gan greu iaith gyffredin a chaniatáu i arferion gorau drosglwyddo ledled ffiniau’r gwasanaeth.
Lansiwyd Camu i’r Adwy Cyn Camu Yn Ôl yng Nghymru yn 2023, a Sir Benfro oedd yr awdurdod lleol cyntaf i dreialu’r rhaglen. Bydd ail awdurdod lleol yn ymuno â’r cynllun
peilot yn o fuan. A hithau’n cael cefnogaeth gan Sefydliad KPMG a Llywodraeth Cymru, mae’r rhaglen yn cynnig cyfle i wella’n aruthrol ddeilliannau i blant sydd ar gyrion gofal. Byddwn yn defnyddio’r cynllun peilot hwn i ddangos p’un a all Camu i’r Adwy Cyn Camu Yn Ôl ddod â buddion sylweddol ledled Cymru.
Ffynnu oedd ein cylchgrawn dwyieithog ar gyfer pobl ifanc sy’n byw mewn gofal maeth, sydd erbyn hyn wedi’i ddatblygu’n wefan. Darparodd pob un rhifyn o’r cylchgrawn wybodaeth a chanllawiau ar faterion sy’n bwysig i bobl ifanc, megis eu hawliau mewn gofal, addysg, iechyd meddwl, ac arian. Mae hyn wedi parhau i’r wefan ddwyieithog newydd, a gellir ei chyrchu yma.
Darllenwch ein cylchgronau Ffynnu a Archifwyd yma.
Daw’r bwrdd hwn â gofalwyr maeth a gofalwyr sy’n berthnasau ynghyd â gweithwyr proffesiynol eraill ym maes gofal i helpu i lunio, i wella ac i adeiladu sector maethu cryfach ledled Cymru.
Ymysg pethau eraill, mae’r bwrdd yn:
Daw’r bwrdd hwn â phobl ifanc (14 i 25 oed) ynghyd sydd â phrofiad gofal. Mae’n darparu lle cydgynhyrchu ar sail perthynas ac sy’n ystyrlon i bobl ifanc i hysbysu a thywys gwaith Y Rhwydwaith Maethu. Canfyddwch fwy o wybodaeth.
Os oes gennych ddiddordeb mewn ymuno â’r bwrdd, a fyddech cystal ag anfon e-bost at Alexandra Atkins, Rheolwr Cymunedau Maethu.
Mae’r Rhwydwaith Maethu yn hwyluso cyfarfodydd rheolaidd fforwm y gwasanaethau maethu. Mae hyn yn darparu cyfle inni ymgynghori â’r sector a rhoi’r wybodaeth fwyaf cyfoes iddynt am ddatblygiad o fewn Y Rhwydwaith Maethu a’r sector maethu ehangach. Am ragor o wybodaeth, cysylltwch â [email protected]
Mae’r Rhwydwaith Maethu yn dylanwadu ar lunwyr polisïau a phenderfyniadau lleol a chenedlaethol yng Nghymru i wella bywydau plant a phobl ifanc mewn gofal maeth.